ايل لرجه قاباخ، ايله بوء زامان،
تبريزي دوتور قارا بير دومان!
يالتاق لار اولور يوردومدا ساكين،
ايشغال اولوري هر بير اماكين،
اوروس سربازي سيل كيمي آخير،
يوردومو آلير،
بير نئچه مدّت اؤلكه مده قالير،
قهرمان تبريز آليشيب يانير،
(ارك عليشاه) قانا بولانير،
دؤنرگه دؤنور، جاوانلار اولور!
قوجا آنالار اؤزلرين دوور،
آتالاري نين قامتي سولور،
اؤرك لر اوء چاغ غمينن دولور.
آذربايجانين ايگيت سربازي، ميلّي سرداري،
قياما قالخير،
سؤيله يير آن دم: ستّارام ال لر،
ظولم بايراقين اوت لارام ال لر،
باقير خانينان ال، اله ورير،
ممّد عمواوغلي، توتون چي اوغلي،
حوسينِ باغبان، ميرزا هاشم خان،
علي ميسونان، حيدر عمواوغلي،
ثقه الاسلام، سيد حوسين خان،
توركي داواچي، علي بادامچي،
شخ ممّد خياباني، نورا... خان يكاني،
مهدي كوزه كناني، حوسين خان مارالاني،
بخشعلي خان يكاني، خازن خياباني،
ميرزا احمد تبريزي، اسماعيل اميرخيزي،
اميرحشمت نيساري، ميرزا محمود سلماسي،
ستّار خانا سس وريب،
هاممي سي جاندان كئچيب،
يالتاق لاري بوغدولار،
دوشمن لري قيرديلار،
اؤز جان لارين ورديلر،
آزادليغي آلدي لار.
