بير عاغيللي باش مين باشي ساخلار.
***
بير آلماغين بير ده وئرميي وار.
***
بير آرخا كي سو گليب، گومان وار يئنه گله.
***
بير آتا يئددي اوغولو دولانديردي،
يئددي اوغول بير آتاني دولانديرمادي.
***
بير آياق سن گل، ايكي آياق من گليم.
***
بير بارماق بالدان اؤترو تولوغون گؤتون ييرتمازلار.
***
بير بيلندن قورخ، بير ده بيلمزدن.
***
بير بوغدا اكمهسن، مين بوغدا بيچمزسن.
***
بير چيلپاغي يوز جوببهلي سويا بيلمز.
***
بير چيراق ايشيغينا يوز نفر اوتورار.
***
بير چيراق كي حاقدان يانا،
ياغي نئيلر، ياغي نئيلر؟!
***
بير چؤرك اؤزون يئ، بيرين ده الله يولوندا وئر.
***
بير چولوم وار آتارام، هاردا گلدي ياتارام.
***
بير چووال قيزيل بورجون اولسون،
بير چووال بوغدا بورجون اولماسين.
***
بير دادان پئشمان، بير دادمايان.
***
بير داداناندان قورخ، بير قودوراندان.
***
بير داغ ييخيلماسا بير دره دولماز.
***
بير دانا بير ناخيري كورلار.
***
بير داش آلتدا، بير داش اوستده.
***
بير داش قوپاندا داها يئريني توتماز.
***
بير داشلا ديوار اولماز.
***
بير داشلا ايكي قوش وورماق اولماز.
***